Тұрғын үй, әлеуметтік проблема ретінде. Тұрғын үйлердің

Тұрғын үй, әлеуметтік проблема ретінде. Тұрғын үйлердің микроклиматын нормалаудың ғылыми негіздері.

Дәрістің жоспары § 1. Микроклиматты нормалауды гигиеналық негіздеу. § 2. Жылу реттелу жүйесі. § 3. ГОСТ 30494 -96 «Тұрғын және қоғамдық ғимараттар. Бөлмелердегі ықшамклимат параметрлерің. § 4. Тұрғын және қоғамдық ғимараттарды жылыту. § 5. Бөлмелердің ауасын желдетудің гигиеналық маңызы.

Жабық бөлмелердің микроклиматы 3 негізгі компоненттен құралады: температура, Ылғалдылық, ауаның қозғалу жылдамдығы.

Жалпы алғанда адам организмі жылуды беру және жылуды өндіру арқылы дененің ішкі ортасының температурасын өздігімен реттеп отыратын жүйе болып табылады. Жылудың өндірілуі химиялық жылу реттелу, яғни зат алмасуы нәтижесінде, ал жылудың берілуі физикалық жылу реттелу, яғни перифериялық қан тамырларының кеңістігінің реттелуі арқылы қамтамасыз етіледі.

Жылу реттеу жүйесіне әлсіз күш түсу адамның еңбекке қабілеттілігінің жоғары деңгейін қамтамасыз етеді және ол жылулық комфорт деп аталады. Жылу реттеу жүйесіне бірден көп күш түсуі, әсіресе балалар организмінде өзгерістерге алып келуі мүмкін, сондықтан микроклиматты гигиеналық нормалау организмнің жылулық комфортын қамтамасыз етуі қажет. Сонымен, жылулық комфорт дегеніміз – адамның оптималды жылу реттеуін және физиологиялық функцияларын қамтамасыз ететін метеорологиялық жағдай.

Адамның жылулық жағдайының бірнеше сатылары болады: жылу реттеу жүйесіне әлсіз күш түсуі , яғни жылулық комфорт болып табылады. Жылу реттеу жүйесіне орташа күш түсуі – жылу реттелудің тұрақтылығымен, аяқ-қол терісінің температурасының төмендеуімен немесе жоғарылауымен сипатталады; жылу реттеу жүйесіне бірден көп күш түсуі – дискомфорттық жағдай болып табылады.

СНи. П РК № 4. 02. 05 -2001 «Отопление, вентиляция, кондиционированиең құжатындағы гигиеналық регламентке сәйкес жылдың суық мезгілінде тұрғын және қоғамдық ғимараттар бөлмелеріндегі ауа температурасы 18 -22 о С, салыстырмалы ылғалдылық 65 пайыздан жоғары емес, ауаның қозғалыс жылдамдылығы 0, 2 м/сек жоғары емес болуы керек; жылдың жылы мезгілінде температура белгіленген нормадан 3 о С жоғары, салыстырмалы ылғалдылық 65 пайыздан жоғары емес, ауаның қозғалыс жылдамдылығы 0, 5 м/сек болуы керек.

Жылу берудегі кедергі және оны нормалау климаттық жағдайларға байланысты. Әртүрлі климаттық аудан үшін қоршаушы конструкциялардың сол аудандарға сәйкес жылу беруге кедергісі болады, ол СНи. П № 2. 04 - 03 -2002 «Строительная теплотехникаң нормативті құжаты бойынша анықталады.

№ 3. 02 -01 -2001 «Жилые здания құрылыс нормалары мен ережелерінде регламенттелгендей экономикалық тұрғыда жарық ойындыларының ауданының еден ауданына қатынасы 1, 0: 5, 5 кем емес және 1, 0: 8, 0 артық болмауы керек. Мансардта бұл көрсеткіш 1, 0: 10, 0 рұқсат етіледі.