Проект Вот менам деревня д Дерсканова д Шабурова

Проект «Вот менам деревня» д. Дерсканова д. Шабурова д. Мисулёва Керисö 6 классiсь велöтчиссез 2016 год

Литература: 1. Коми – Пермяцко – русский словарь 2. В. Климов. Мый висьтасьöны Пармаись ниммез, Кудымкар, 2009. - Коми-Пермяцкое книжное издательство.

Моггез: • Тöдны, мыля деревняэсö сiдз шуöмась; • Тöдны, кытöн нылöн местоположеннё, уна ли морттэз олiсö кöркö Мисульын, Дерсканын да Шабурын и киннэз олöны талуння лунö деревняэзас; • Тöдсасьны музейись да библиотекаись материаллэзöн: статьяэзöн, фотографияэзöн, кöркöся утварьöн; • Юасьны деревнясис олiссезлiсь, кыдз овсис деревняэзас кöркö и кыдз овсьö öння кадö; • Лэдзны альбом деревняэс йылiсь да кольны музейö, медбы уна год бöртi велöтчиссэз вермисö босьны кианыс миянлiсь альбомсö и тöдны эна деревняэз йылiсь.

Мийö вöлiмö школьнöй музейын

Деревняэзлöн ниммэз • Дерсканова (Герсканова) - деревнясö шуöмась сiдз кай нимöн. Кайыс кöр шыасьö, кылὃ «герс – герс» , олö сiя кайыс видззез вылын, рочöн - коростель или дергач.

• Мисулёва – деревня, кöда получитöм ассис нимсö «мисуль» кывсянь – эта нятьöсь, онзыля, неопрятнöй, мисьтöм чужöма морт, кὃда пыр мисулитчö.

Шабурова - 1) Нимыс сетöм тюркскöй прозвищесянь Шабур. 2) Шабур - вевдöрись гожумся подкладтöм паськöм (жакет). Важ нимыс деревнялöн вöлöма Лебедева, мийö думайтам, вöлi сетöм роч кай нимсянь «лебедь» .

1869 год Дерсканова 6 км сельсоветöдз 3 км школаöдз 26 км Кудымкарöдз Мисулёва 5 км сельсоветöдз 1 км школаöдз 25 км Кудымкарöдз Шабурова 8 км сельсоветöдз 4 км школаöдз 28 км Кудымкарöдз 1926 год 5 хозяйство 16 хозяйство Мужиккез-29 Мужиккез-30 Инькаэз -22 Инькаэз -50 5 хозяйство 10 хозяйство Мужиккез -27 Мужиккез -18 Инькаэз -27 Инькаэз -33 5 хозяйство 15 хозяйство Мужиккез -14 Мужиккез-24 Инькаэз -6 Инькаэз -43 1968 год 148 морт 2010 год 2016 год 12 хозяйство 10 хозяйство 37 морт - - - 81 человек 6 хозяйство 9 морт

Война коста деревняэзiсь мужиккез мунiсö фронт вылö: • Дерсканова: мунiсö фронт вылö 21 морт, локтiсö – 11; • Шабурова – мунiсö фронт вылö 16 морт, локтiсö - 5 ; • Мисулёва – мунiсö фронт вылö 6 морт локтiс – 1 морт.

Геройез, кöдна эз локтö фронт высянь Мисулёва Климов Иван Фёдорович Климов Егор Петрович Лунегов Иван Михайлович Лунегов Михаил Васильевич Тупицын Александр Мартемьянович

Геройез, кöдна вöлiсö война вылын и локтiсö гортö Власов Георгий Иванович, 16. 11. 1921 г.

Власов Георгий Иванович – д. Дерскановаись олiсь , ветеран ВОВ. • Шогмис 4. 11. 1921 годö, 3 -öт кагаöн колхозник семьяын. Кöр сылö вöлi сизим год, кольччис айтöг. • Октябрь 1940 годö мунiс служитны армияö. Война йылiсь кылiс радиоöт. Армия бöрсянь гортö эз и вовлы, сюрис Северо – Западнöй фронт вылö. Пессис Москва понда. Бойезын вöлi контузитöм и неöтпырись ранитöм. Медбöрын раненнёэз бöрсянь вöлi радистöн. • Гортö локтiс вöлись 1946 годö. Недыр мыйись гöтрасис, иньыскöт олiсö бура, шогмисö нылöн 4 ныв. Быдöнныслö вермисö сетны бур образованнё. • Медбöрья годдэсö олiс Куваын нылыс дын. Кулiс 2013 годö.

Климова Лидия Ивановна – д. Мисулёваись олiсь. Шогмис Лидия Ивановна Ёгвинскöй поселеннёись д. Рунцоваын многодетнöй колхозниккез семьяын. Учöтсянь дöнзис сылö сьöкыт деревенскöй удж. Школаын велöтчис 7 классöдз. Школа бöрсянь кутчис уджавны фермаö. Паспортсö получитöм бöрсянь ветлiс уджавны пестунняöн город Кудымкарö. Но нывкаöс кыскис гортö. Локтiс бöр да кутчисис уджавны фермаö.

Недыр мыйись тöдсасис Мисуль деревняись том зонкöт Климов Юрийкöт, гöтрасисö и пондiсö овны жöникыс керкуын. Мисуль – деревня учöтик, гажа, неылын ферма. Уджалiсь мортлö работаыс быдлаын адззисьö. Шогмисö нёль ныв: Валя, Люда, Аня да Зоя, быдöнныс умнöйöсь да басöкöсь, мамныс кодьöсь жö доброжелательнöйöсь. Челядь пыр тöлöн и гожумöн отсасисö мамлö фермаын дозирайтчыны да высьтiсьны. Но Лидия Ивановна жöникыскöт старайтчисö Лидия Ивановна Ныввескöт Валякöт да Зоякöт ныввеслö сетны бур образованнё.

Газетаiсь вырезка, кöдаись мийö тöдiмö Лидия Ивановна йылiсь. Гижöм сiйö рассказсö, ыджыт радейтöмöн мамыс дынö, нылыс Васькина (Климова) Валентина Юрьевна, д. Корчёвняись олiсь.

Быдтiсö нiя жöникыскöт не только ассиныс , но эшö и жöникыс сойлiсь челядьсö, сiдз кыдз нiя кольччисö сиротаэзöн. Кöркöся сьöкыт годдэзö позьö шуны, керисö великöй подвиг. Лидия Ивановна медбöрöдз олiс Мисуляс, но деревнясис народыс пондiсö мунны, и сылö тожö колiс кольны роднöй гортсö. Öнi сiя олö Корчёвняын, но часто тöд вылас усьö Мисуль деревня, кытöн чулалiсö томся шуда годдэз, кытöн матын и вöр, и видз.