Патшалығы Жануарлар Animalia Тип Хордалылар Chordata

Патшалығы: Жануарлар – Animalia Тип: Хордалылар – Chordata Тип тармағы: Омыртқалылар – Vertebrata Класс: Құстар – Aves Отряд: Бұлдырықтәрізділер -Pterocletiformes Тұқымдасы: Бұлдырықтар тұқымдасы-Pteroclidae Туысы: Бұлдырық–Pterocles Түр: Ақбауыр бұлдырық -Pterocles alchata Ақбауыр. бұлдырық(лат. Pteroclesalchata)бұлдырықтәрізділер отрядының бұлдырықтар т ұқымдасына жататын құс. Қанатының ұзындығы 19 – 21 см, салмағы 225 – 290 г. Денесінің үстінде сары түсті сұр теңбілдері бар. Қара жолақпен көмкерілген жемсауы мен төсі қызғылт күрең түсті. Басқа бұлдырықтардан бауырының ақ болуымен ерекшеленеді. Ұшқанда көмекейден дыбыс шығарады. Құмды жерлер мен оған іргелес жатқан тақырларды ұялайды. Ұясын жерге кішкене шұңқыр жасап салады. Мамыр– шілдеде қоразы мен мекиені 2 – 3 жұмыртқаны кезектесіп басады. Балапандарын да ұядан бірлесіп ұшырады. Түрлі өсімдіктердің тұқымдарымен, жемістерімен, жәндіктермен қоректенеді. Таралуы: Қазақстанда. Аралтеңізінен. Бетпақдалашөлінедейінтаралған. Ақтөбе, Қызылорда, Оңтүстік Қазақстан, Жамбыл, Алматы облыстарының шөл-шөлейтті аудандарында мекендейді. Биоценозда алатын орны: Еті дәмді, күзге қарай семіреді. Жойылып бара жатқан түр. Қызыл кітапқа еңгізілген.

Патшалығы: Жануарлар – Animalia Тип: Хордалылар – Chordata Тип тармағы: Омыртқалылар – Vertebrata Класс: Сүтқоректілер-Mammalia Отряд: Жұптұяқтылар -Artiodactyla Тұқымдасы: Шошқалар-Suidae Туысы: Қабан-Sus Түр: Кәдімгі қабан-Sus scrofa Кәдімгі қабан, доңыз (лат. Sus scrofa) – сүтқоректілер класының жұптұяқтылар отрядына жататын жануар. Денесі ірі, екі бүйірі қысыңқы, мойыны жуан, басы сүйір, тұмсығы конус тәрізді көлденеңнен кесілген болып келеді. Ұшында жұп тұяғы бар, аяғы мықты, екеуі жақсы жетілген төрт саусағы болады. Құлағы үлкен және жалпақ, көзі кішкентай, танауы таңқы. Денесін қалың қылшық басқан. Аталығының арқасында жалы болады. Жыныстық жағынан 18 – 20 айда жетіледі. Күйлеуге түсуі тамыздың ортасынан желтоқсанға дейін созылады. Аналығы (мегежіні) 4 – 10 торай туады. Тістері көп, бұдырлы. Қарыны жіктелмеген, күйіс қайтармайды. Таралуы: Қызылорда облысының қамыс-құрақты қопалар мен батпақты жерлерінде, өзен аңғарларында көп кездеседі Биоценозда алатын орны: Доңыз – кәсіптік маңызы бар аң, еті, терісі, қылшығы пайдаланылады. Орта есеппен әр Доңыз 50 кг ет, 10 кг май, 250 дм 2 тері және 0, 5 кг қылшық береді

Патшалығы: Жануарлар – Animalia Тип: Хордалылар – Chordata Тип тармағы: Бауырымен жорғалаушылар-Reptilia Класс: Жыландар - Serpentes Отряд: Қабыршақтылар -Squamata Тұқымдасы: Сарыбас жыландартәрізділер Colubridae Туысы: Қызылжолақ жылан –Platyceps Түр: Қызылжолақ қарашұбар жылан. Coluber rhodorachis Қызылжолақ қарашұбар жылан (лат. Coluber rhodorachis) — қабыршақтылар отрядының жыландар сабының сарыбас жыландартәрізділер тұқымдасына жататын биологиялық түр. Қызылжолақ қарашұбар жылан тауларда, тау етегінде сонымен қатар шөлді жерлерде, өзен жайылымдарында, тау баурайындағы бұталы тоғайларда кездеседі. Жылдың ыстық кезінде су маңын мекендейді. Олар кемірушілердің індерін, жердің жарықтары мен шұңқырларын, тастардың астын паналайды. ұзындығы 1 м-ге дейін жетеді. Көзінің төменгі шеті екі жоғары жағының қалқанына жақын орналасқан. Жоғары ерін қалқаны — 9. Таралуы: Оңтүстік Қазақстан, Оңтүстік Шығыс Қазақстан да таралған. Биоценозда алатын орны: Қызылжолақ қарашұбар жылан қорғауға алынып, Қазақстанның “Қызыл кітабына” енгізілген.