Морко районысо Шенше кыдалаш общеобразовательный школ Этнокультуроведений Ямдылен

Морко районысо Шенше кыдалаш общеобразовательный школ Этнокультуроведений Ямдылен: Алексеев Григорий, 1 -ше класс, Шенше кыдалаш школ Руководитель: Яковлева Римма Петровна, классный руководитель, Шенше кыдалаш школ 2014 ий

«Шке ачат-аватым жапле, да тыланет сай лиеш, да тый кужу ÿмыран лият» Вет кажне енлан шке кугезыже-влак нерген палаш кÿлеш. Мыйын тукымвожыштем Российын историйжым вашталтыше айдеме уке. Но ен коклаште пагалыме да шкенжын почеш кышам кодышо айдеме-влак улыт.

Туныктышо. . . Мутшак могае! А. А. Фадеев. Тиде проект мыйын тукымысо туныктышо, воспитатель-влаклан пöлеклалтеш. Туныктышо ÿмыржö мучко шке шÿм порылыкшым, шокшыжым, чон яндарлыкшым йочалан пöлекла. Нуно шке пашаштым йöратат да шочшыштымат тиде пашалан кумыландат.

Шымлымашын цельже: Педагог тукымвожемын историйжым шымлаш. Задаче-влак: v. Родо-тукым-влакым йодыштын, туныктышо тукымвожем шымлен лекташ; v. Погымо биографий да фото материалым иквереш чумыраш.

Тукымвож

А тиде мый улам Алексеев Григорий 3 декабрь 2006 ийыште Йошкар. Олаште шочынам. 2 ияш гыч Шиньша школ пелен йоча садыш коштынам. 1 сентябрь 2013 ий гыч Шиньша школын тунемшыже улам.

Кугезе кочаем Алексеев Виктор Алексеевич 7 январь 1933 ийыште Кугу Шале ялыште шочын. Ончыл шинчымашым Купсола школышто, вара Азъял школышто поген. 1951 ийыште Н. Крупская лÿмеш марий кугыжаныш педагогический институтышко 2 ияш курсыш марий йылме отделенийыш тунемаш пурен. 1953 -1954 ийлаште Горельский школышто пашам ыштен. 1954 ийыште Ярамор кыдалаш школышко куснен. Тыште 7 ий марий йылмым туныкта 1962 ий гыч 1993 ий марте Шиньша кыдалаш школышто руш йылмым да литературым туныктышылан пашам ыштен. 1993 ий апрельыште ÿмыржö лугыч лийын

Виктор Алексеевич тунемшыже-влак дене

Коваем Исаева Нина Викторовна 7 август 1957 ийыште Кугу Ярамарий ялыште шочын. Ончыл шинчымашым Токперде кыдалаш школышто, а вара Шиньша кыдалаш школышто поген. 1974 ийыште Н. Крупская лÿмеш марий кугыжаныш педагогический институтын физико-математичекий отделенийышкыже тунемаш пурен. 1977 ийыште Сернурышто ПТУ-што пашам ыштен. Сернур йоча садыште воспитательлан, вара заведующийлан ыштен. 2 ий Шиньша школ пелен йоча садыште воспитательлан пашам ыштен. 2000 ий гыч кызыт марте Тюмень областьын Сартым поселкышто пашам ышта.

Нина Викторовна йоча садыште пашам ыштымыж годым

Кокаем Григорьева Алефтина Викторовна 26 октябрь 1963 ийыште Токперде ялыште шочын. 1981 ийыште Шиньша кыдалаш школым тунем пытарен. МГПИ-н филологический факультетышкыже тунемаш пура. 1984 ийыште, заочно тунемаш куснымек, Токперде школышто пашам ышта. 1986 ийыште Шиньша кыдалаш школ пеленысе йоча садыш пашам ышташ кусарат. 1995 ий гыч Шиньша кыдалаш школышто руш йылме да литературым туныкта.

Алефтина Викторовна тунемшыже-влак воктене

Кочаем Алексеев Олег Викторович 1 январь 1961 ийыште Кугу Ярамарий ялыште шочын. Шиньша кыдалаш школым тунем лектын. 1978 -1982 ийлаште Н. Крупская лÿмеш марий кугыжаныш педагогический институтышто индустриально-педагогический факультетыште тунемын. Специальность «Учитель общетехнических дисциплин и труда» . 1984 -1988 ийлаште Морко районын № 24 СПТУ-н филиалыштыже «мастер производственного обучения» специальность дене пашам ыштен. 1988 -1989 ийлаште Нуж-Ключ школышто труд урокым вÿден. 1989 ийыште Шиньша школышко куснен. 2009 ий гыч Шиньша селаште электромонтер по обслуживанию подстанции

Олег Викторовичын да тунемше-влакын пашашт

Коваем Алексеева Маргарита Владимировна 12 сентябрь 1961 ийыште Адымаш ялыште шочын. Йошкар-Оласе № 11 школын воспитательлан ик ияш курсым тунем лектын. 1983 ий гыч Шиньша школ пеленысе йоча садыште воспитательлан пашам ышта

Маргарита Владимировна шке изи падырашыж-влак дене

Ачаем Алексеев Анатолий Олегович 7 июнь 1986 ийыште Шиньша селаште шочын. Шиньша кыдалаш школым тунем лектын. Марий кугыжаныш университетыште Журналистика факультетыште тунемын.

Аваем Алексеева Александра Васильевна 6 январь 1986 ийыште Йошкар-Олаште шочын. 2003 ийыште Арын кыдалаш школым тунем пытарен. 2003 -2008 ийлаште Марий кугыжаныш университетын марий филологий отделенийыште тунемын, «Филолог» специальностьым налын. 2010 ий гыч Шиньша школ пелен йоча садыште воспитательлан пашам ышта.

Александра Васильевна занятийыште да прогулкышто йочашамычше дене

Кочаем Жилин Василий Александрович 13 январь 1961 ийыште Арын селаште шочын. Арын кыдалаш школым тунем пытарен. 1983 -1988 ийлаште Марий кугыжаныш университетыште филологий отделенийыште тунемын. 1988 -1991 ийлаште Сернур районысо Калеево кыдалаш школышто военнный руководительлан ыштен. 1991 -2004 ийлаште Морко районысо Арын кыдалаш школышто ОБЖ, НВП, руш йылме да литературым туныктен.

Василий Александрович туныктышо коллектив дене

Коваем Жилина Татьяна Васильевна 2 июнь 1959 ийыште Арино селаште шочын. Арын кыдалаш школым тунем пытарен. 1991 -1993 ийлаште С. Г. Чавайн лÿмеш колхозын йоча садыште воспитательлан пашам ыштен. 1997 -2001 ийлаште «Тÿрлемÿдыр» студийыште тошто марий вургемым тÿрлен.

Коча Жилин Александрович 8 март 1957 ийыште Арын селаште шочын. Арын кыдалаш школым тунем пытарен. 1974 -1979 ийлаште Марий кугыжаныш университетын физико-математический отделенийыште тунемын. 1979 -1981 ийлаште Арын школышто математика предметым туныктен. 1981 ийыште –Йошкар-Олаште марий конструкторский технологический бюрошто инженер-программистлан ыштен. 1983 ий гыч милиций органыште пашам ыштен, да 2002 ийыште Морко районысо ОВД начальник званий дене пенсийыш лектын.

Чÿчÿ кочаем Крылов Василий Васильевич. . 4 май 1953 ийыште Арын селаште шочын . . С. Г. Чавайн лÿмеш кыдалаш школышто тунемын 1970 ийыште Марий республиканский культурно-просветительский училищыш тунемаш пура, тушеч Совет Армий радамыш налыт. 1973 ийыште Мар. ГУ-н историко-филологический факультетын студентше лиеш. Тунем лекмек, 13 ий марий радиошто пашам ышта. 1991 -1997 ийлаште «Ямде лий» республиканский йоча газетын т ÿн редакторжо лийын. Пытартыш ийлаште Марий Эл республикысе Писатель Ушемым вуйлатен, ГУКП «Марий журнал» директорлан пашам ыштен. 4 август 2010 ийыште ÿмыржö лугыч лиеш.

Василий Васильевичын возымо пашаже-влак