Климова Наталия Николаевна Сюмси черкогурт Удмурт нылкышно кенеш

Климова Наталия Николаевна Сюмси черкогурт, «Удмурт нылкышно кенеш» огазеяськон

Табань гуртэ, вордскем гуртэ, Котьку ик син шорам. Чебер, мусо анай сямен, Тон котьку сюлэмам. Татын нырысь вамыш лэсьти, Няньлэсь дунзэ шоди, Анай кыллэсь но чеберзэ Мон валаны дыши.

Педагог луыса ужасько, Нылпиослы визь нод сетисько, Удмурт кылэз пиналъесын дышетиськом, Удмурт шаермес гажан пычатиськом. Ужасько Сюмси черко гуртысь нылпи творчествоя юртын «Шаерчиос» нимо кружок нуисько.

Нылпиосы – мынам шудэ! Шулдыр улон соосын луэ! Никиталы ни- 10 арес, Кужмо, яратэ спортэз! Шоретиез - нылы Юля, 4 аресъем, чупрес юла. Нош Ромае – котьку азьпал! Кык аресъем пичи «чушъял» !

Вань меда дунне вылын Анайлэсь дуноез! Вань меда та улонын Анайлэсь мусоез? Мон педагог, картэ – педагог, анае- Буранова Надежда Петровна, Шаркан еросысь Сосновка шор езо школаын 25 ар ини удмурт кылъя дышетись луыса ужа, «Шаер» нимо кружокен кивалтэ. Картэлэн анаез – Климова Людмила Ивановна, краеведение кружок нуыса ужаз Сюмси черко гуртысь Сюмси шор езо школаын. Педагог – секыт ужрад! Педагог- кужым кузьмад Трос нылпиослы!

Дан тыныд, Атай! Атае, Перевозчиков Семенович, Афган гурезьес пыр потиз, солдат службазэ быдэстиз. Солдат, солдат, Секыт тыныд. Вуид гуртад Из пилемъес пырти. Солдат, солдат, Жокыт тыныд. Ветлид огнад Афган гурезьести. Солдат, солдат, Бордэ сюлмыд, Кузь сюресад Эшме, шуид, ышти.

Йыгаське кин ке осэ: «Тук!» Сюлэмы но йыгаське: «Тук!» «Жоггес усьты тон остэ, Куаретэ шорам. – Тон уд вормы ни астэ, Яратон – возад!» Кышкасько мон, «Кош татысь!» - уллясько. Сюлэмы нош: «Тук! Но тук!» Я-рат-ско! Картэ – Климов Николай Николаевич, ужа Сюмси нылпи творчествоя юртын. «Зарни киосыныз» кызьпу туйлэсь, кагазлэсь, пулэсь но портэм мукет материалъеслэсь паймымон арбериос лэсьтэ!

Климов Николай Николаевичлэн киужъесыз!

Чош шулдыр ми улиськом: Ог-огмес яратиськом! Нош луэ ке шутэтскон дыр Порасько ини кылбур. Кылбурасько мон 6 -ти классысен. Соин ик, дыр, Удмурт кун университетысь журналистикая факультетэ дышетскыны но пыри. Нош улон монэ педагогикае вуттиз. Озьы ке но, кылбуран сямы оз быры, мур но мур сюлэме пыриз. Удмурт, зуч кылын кылбур кылдытисько, Керттиськон ужез но туж мон гажасько. Кылбурме кагаз вылэ нялмыт гинэ гожтисько. Керттэм киужъесын чыжы-выжыосме шумпоттисько. Одигез но керттэм киуже уг кыльы аслым, кузьмасько! Вань нош кылбуре гожтэмын сюлмын! Тани та презентациын но ваньмыз кылбур гожтэмын ас киыным!

«МОН БЫГАТИСЬКО…» Жоггес лыктэ, ойдолэ, Бызьса круге потэлэ. Витемы Тол Бабаез, Пумиталом Выль арез! Эктомы, кырзаломы, Елка котыр шудомы. Борысь Тол Бабай вуоз, Ваньмылы кампет сетоз. Кузьымъесмес басьтыса, Жогак круге султомы. Бубаен чош кутскыса, Выль арез данъяломы! Золотым костром сияет Хоровод лесной. Солнца луч его ласкает Нежной теплотой. Обнимая стан березы Ветер там кружит. И опавшую листву Он с собой манит.

Ваньмон дыр – шутэтскон дыр! Туж шулдыр! Спортэн ми эшъяськиськом, Бокс, куасэн нискыласьком! Легоен усто шудком! Автодром кылдытиськом! Пичиосмы чупыресэсь, «Корка пуктиськом, пе, » – ужасесь! Шырчик уморто но лэсьтиськом, Тылобурдоосыз «сюдиськом» . Ваньмон дыр – шутэтскон дыр! Ортче милям туж шулдыр!

«Мынам вормонъёсы» таза дько с ъя эш тэн ор Сп ГТО: бызьылиськом, ГТО: ыбылиськом, ГТО: тэтчаськом… Но куасэн нискыласьком! луод !

Мон – шудо, удмурт анай! Удмурт сямъесты чакласько, Нылпиосме – удмурт кыллы дышетисько. Перепеч пыжиськом ваньмы чош, «Чагыр, чагыр дыдыке» кырзанэн нэ пие умме усез. Яратиськом, гажаськом удмурт кылэз! Нылпиослы пычатиськом со гажанэз!

Ойдо, эшъесы, пуксемы, Та секыт сюрес вылын шутэтскомы. Кемалась ми чош вамышъяськом, Шуг-секытъесты вормылиськом. Палэнтиськом кыдеке бордонэз, Серекъяса вормиськом кайгуэз. Нош вуэ ке яратон сюлэме, Ти ноку уд куштиське монэ. Шутэтским , табере - азьлань! Вите миледмы гурезьес. Чош кужыммы милям вань. Соин ми – эшъес. Таче кылбурен мон презентациме йылпумъясал! Бадзым тау учкемды понна.