2015 -2016
Әлмәт шәһәренең Ризаэтдин Фәхретдин исемендәге 1 нче гимназиясендә “Сәләт” клубы 2015 елның мартында оешты һәм уңышлы эшләп килә.
Клубның төп максаты- гимназиядә укучы сәләтле балаларның интеллектуаль һәм уңышлы шәхес буларак формалашулары өчен уңай мохит тудыру , сәләтле балаларны “Сәләт” оешмасының гомуми проектларына җәлеп итү.
Клубны гимназиянең инглиз теле укытучысы Шәмсуллин Әнис Замир улы җитәкли. Клуб активында 7 укучы тырышып эшли. Алар клубның төрле чарапроектларын әзерләргә һәм үткәрергә ярдәм итәләр. Ә бу чараларда якынча 100 гә якын бала катнаша.
“Сәләт-Әлмәт ” клубы “Сәләт” клублары өчен оештырылган гамәли семинарларда даими катнашып килә һәм алган тәҗрибәне клуб эшендә актив куллана.
2015 нче елда клуб тормышка ашырган иң зур проект- “Туган як” фестивале. Палаткалы шәһәрчек шартларында гүзәл табигать кочагында узган фестивальдә 15 укучы катнашып туган як тарихы, мәдәни тормышы турында күренекле кешеләрдән дәресләр алдылар, бәйге-ярышларда катнаштылар һәм спорт-туризм чараларында сәламәтлекләрен ныгыттылар.
2016 нчы елның иң зур проекты- “Сәләт-Әлмәт” фестивале. Фестивальдә 16 укучы катнашып ораторлык серләренә төшенделәр, Галиәскәр Камал театры артистлары белән очраштылар, мәдәни, спорт-туризм чараларында актив катнаштылар.
«Сәләт-Әлмәт» клубы 2015 елның 30 июленнән 3 августына кадәр олугъ галим Риза Фәхретдиннең туган авылында галимнең тормышы һәм эшчәнлегенә багышланган «Кичүчат» мәдәни-гыйльми фестивалендә актив катнашты.
“Сәләт”нең 20 еллыгы уңаеннан уздырылган “ЧГК” интеллектуаль уенында Әлмәт командасы җиңү яулады.
Гимназия укучылары “Сәләт”нең төрле аланнары һәм фестивальләрендә рәхәтләнеп ял итәләр, гыйлем туплыйлар, аралашалар. 2016 нчы елның җәендә “Болгар-Туган тел”дә 8, “Иске Казан”да 1, “Сәләт-Яр Чаллы”да 1, “Шәхес”тә 1, “Батыр”да 1, “Сәләт-Болгар”да 2, “Сәләт-Азнакай”да 1 укучы булды.
2015 нче елның 7 маенда гимназиядә “Топ-спикер” бәйгесе үтте. Ораторлык- һәрвакыт актуаль сәләт!
“Интуиция” уены традицион чарага әверелде һәм ул укучыларга позитив кәеф һәм интуицияне сынап карау мөмкинлеген бирә.
Клубта “ЧГК” уены һәм квестлар бик популяр, чөнки бу чаралар эрудицияне, стандарт булмаган фикерләүне һәм, гомумән, интеллектны сынап карар өчен һәм аларны тагын да үстерү өчен менә дигән мөмкинлек.
21 нче октябрьдә клуб беренче тапкыр “Spell Battle” уенын үткәреп укучыларның татар, рус, инглиз телләреннән грамоталылыгын тикшерде.
Чаңгылар киеп кышкы табигатькә ял итәргә чыгуклуб тормышының онытылмас мизгелләре.
“Сәләт-Әлмәт” клубы башка клублар белән аралашып яши. 2015 нче елның апрелендә “Сәләт. Чаллы” клубы кунак булып ораторлык осталыгы буенча мастер-класс күрсәтте.
Мастер-класслар, тренинглар шәхеснең үсешенә нык ярдәм итәләр. 2016 елның 2 декабрендә үткәрелгән психологик тренинг укучыларны игътибарлы булырга, бер команда булып эшләргә өйрәтте.
2016 елның 5 нче маенда“Сәләт-Әлмәт” клубы беренчеләрдән булып таныклыкка ия булды!
Скачать презентацию 2015 -2016 Әлмәт шәһәренең Ризаэтдин Фәхретдин исемендәге
Ел клубы.pptx