1 маусым – халықаралық балалар күні
Табиғатты аялайық
Тоғызқұмалақты «Қойшылар алгебрасы» деп те атайды. Себебі бұл ойынды алғашында өрісте қойларын жусатып жіберген қойшылар ойнайтын болған. Жерден ұя-шұңқырлар қазылып, құмалақпен ойналған бұл ойын қазір он сегіз отаудан және екі қазаннан тұратын арнайы тақтада жүз алпыс екі таспен ойналады. Тоғызқұмалақ ойыны – тақ сандар мен жұп сандардың өзара тартысы. Бастапқыда әр отауда тоғыз құмалақтан орналасады. Ойынды солдан оңға қарай кез келген отаудан бастап жүруге болады. Ол үшін жүріс жасалатын отаудан орнына бір құмалақ қана қалдырып, қалған сегіз құмалақты түгелімен аласыз да, келесі отаудан бастап әрбір отауға қолдағы құмалақ біткенше бір -бірден салып шығасыз. Ойыншылардың мақсаты – неғұрлым көп құмалақ алу. Сондықтан ойын үстінде әрбір ойыншы өз отауларындағы құмалақтарды шамасы келгенше жұп ұстауға, қарсы жақтың отауларын тақ жасап отыруға тырысады. Тақ санды отауларға үздіксіз шабуыл жасалады. Қазандарға ойыншылардың ұтыстары жазылады. «Өнер алды – қызыл тіл» деп білетін халқымыз сөз өнеріне аса мән берген. Қазақ тілі, әсіресе лексикасы тұрғысынан аса бай тіл екендігі мәлім. Сол қазынаны меңгеріп, орынды қолдана білу де – бір өнер. Жалпы сөз жарыстырып ойналатын ойын түрлері кез келген тілде жетерлік. Олар – сөздік қорды байытуға, есте сақтау қабілетін сынауға, сөз өнеріне деген қызығушылықты оятуға, тілге деген құрметті күшейтуге септік ететін ерекше ойын үлгілері. «Алтын сандық» та тіл байлығына негізделген ойын. Сандық – халқымыздың асыл бұйымдарын сақтайтын ұлттық жиһазы. Біздің «Алтын сандықта» халқымыздың алтыннан да асыл сөз байлығы сақталған. Сөздер бес түрлі деңгейде, жеңілден күрделіге қарай, ұсынылады. Ойыншы ұсынылған үш көмекке және шашылған әріптерге сүйене отырып, жасырылған сөзді тауып, оны құрастыруы керек.
Мен, Каримова Назерке 1998 жылы 21 қаңтарда Қарағанды қаласында дүниеге келдім. Отбасымда анам, әпкем, жездем және жиендерім бар. 2004 жылы Қарағанды облысы, Шет ауданы, Нұраталды ауылындағы Ботай Байзақов атындағы мектепке 1 -сыныпқа бардым. 2013 жылы 9 сыныпты үздік аяқтап, Қарағанды маңызды білім беру «Болашақ» колледжіне грантқа түстім. Қазіргі таңда «Негізгі орта білім беру» мамандығы бойынша білім алудамын, 3 курс студентімін. Колледж өміріне белсене араласамын, ән айтамын, өлең жазып, конкурстарға қатысып тұрамын. Өмірдегі басты арманым, мақсатым анамның үмітін ақтау. Әрине, одан кейін, оқуымды жақсы аяқтап, шет тілі мұғалімі атану. Өмір деген беріледі бір – ақ рет, Көзің тірі кезіңде Отаныңа қызмет ет.
